‘Nuair a Stopann an Spraoi’
Amhrán na hAoine

Dé hAoine atá ann agus é in am d’Amhrán na hAoine arís i gcomhar le Rónán Beo @ 3 ar RTÉ Raidió na Gaeltachta le tús ceolmhar a chur leis an deireadh seachtaine grianmhar seo.

Inniu is iad an banna ceoil Feirsteach Buí atá ar an ardán agus leagan Gaeilge dá n-amhrán nuachumtha ‘When the Fun Stops’ nó ‘Nuair a Stopann an Spraoi’.

Tháinig  baill an bhanna — Josh Healy,  Joel Harkin, Lady Pocket, Matt Soan, Colonel Chocolate, Jason Jackson, Adam Sloan, Eoin Johnson agus Rónán McQuillan — le chéile an bhliain seo caite agus d’eisigh Buí a gcéad albam Eugene i mí na Samhna. 

Bhí ‘Nuair a Stopann an Spraoi’ ar chlár Rónáin Mhic Aodha Bhuí tráthnóna, an chéad uair a casadh an leagan Gaeilge den amhrán a bheith le cloisteáil ar an raidió náisiúnta. 

Labhair NÓS le Josh Healy faoin amhrán. 

  1. Céard é cúlra an amhráin?

Scríobhadh an t-amhrán mí an Mheithimh seo caite tar éis do mo chol ceathrair, agus dlúthchara, Eugene, ar ainmníodh ár gcéad albam as, a bheith tugtha isteach chuig an mbarda síciatrach mar gheall ar fhadhbanna a bhí aige le drugaí. Scríobh mé an t-amhrán le cabhrú liom dul i ngleic leis sin. Scríobhadh i mBéarla é ach d’aistrigh beirt dhlúcharad liom é agus tá súil againn leaganacha Gaeilge d’amhráin eile a dhéanamh amach anseo freisin. 

2) An bhfuil teachtaireacht faoi leith ag an amhrán?

Is ó fhógra feasachta faoin gcearrbhachas a tháinig an curfá “nuair a stopann an spraoi”, fógra a raibh an sluaghairm “when the fun stops, stop”. Is é bunbhrí an fhógra na comharthaí sóirt a aithint nuair a bhíonn tú do do tharraingt féin i gcruachás, agus gan fanacht go dtí go mbeidh sé ródheireanach le stopadh. Cé gur faoin gcearrbhachas atá an fógra, baineann sé le gach cineál andúilí agus d’úsáid mé i gcomhthéacs mo chol ceathrair é, mar is cinnte go raibh na comharthaí ann cheana. 

3) Cén líne ón amhrán is tábhachtaí duit?

Ní fhéadfainn aon líne eile a roghnú ach an curfá, tá sé chomh simplí sin ach tá sé an-soiléir. 

Liricí 

Súile bocht

Seasann na ceithre éan buí

Béim ar na comharthaí a rinne siad

Chun stad a chur le atarlú sé bliana

So

Na fhanaimis go stopann an spraoi (4)

Deireadh ann

D’intinn ar an bhóthar ag dul siar

Tosaíonn an chuimhne ag lagú

Go bhfeiceann tú gur páirt den fhadhb thú

So

Na fhanaimis go stopann an spraoi (x4)