Rianta na Míosa – Deireadh Fómhair
seinnliosta NÓS ar Spotify

Tá 30 rian ar sheinnliosta NÓS mhí Dheireadh Fómhair agus na hamhráin agus tiúnacha is fearr a eisíodh an mhí seo caite roghnaithe ag Ben Ó Faoláin dúinn – amhrán breá Gaeilge ó Chilli Flake ina measc!

Ar na ceoltóirí Éireannacha eile atá le cloisteáil ar liosta na míosa tá Séamus Fogarty Mhaigh Eo agus an dís Fheirsteach Bicep.

Tá rianta ó albaim úra de chuid Krust, Mary Lattimore, Tino Contreras, Sun Ra Arkestra, Actress, Felbm, Zenker Brothers, Letherette, Rodrigo Leaio agus Cyril Cyril.

Mar is dual dó, tá a shúil caite ag Ben Ó Faoláin i bhfad níos faide i gcéin ná Éire agus Anglaisféar an cheoil agus ceol roghnaithe aige ó as Martinique, an Ollainn, an Ghearmáin, an Bheilg, Meicsiceo, Meiriceá, an Cholóim, an Phortaingéil, Sasana, An Astráil, Mailí agus an Éigipt.

Ná déan dearmad NÓS a leanúint ar ár leathanach Spotify!