‘Seo Linn’ Euros 2016
Leagan Gaeilge de ‘The Irish Roar’ ag teacht gan mhoill!

Tá amhrán nuachumtha le Seo Linn, ‘The Irish Roar’, roghnaithe ag Cumann Sacair na hÉireann (FAI) mar aintiún oifigiúil fhoireann Phoblacht na hÉireann le haghaidh Euros 2016.

Amhrán spleodrach lán fuinnimh is ea é a bhainfidh gáir as lucht leanúna na hÉireann gan dabht!

Déantar ceiliúradh sna véarsaí ar chuimhní cinn peile agus ar bhuaicphointí fhoireann na hÉireann sna blianta atá caite.

Tugtar ómós speisialta chomh maith don chraoltóir Bill O’Herlihy, laoch mór i saol an spóirt.

Cuireann líne as ‘Óró ’sé do bheatha bhaile’, le Pádraig Mac Piarais, blas Gaelach ar an aintiún nua ó thús deireadh agus é ag teacht go mór le spiorad chomóradh Éirí Amach 1916.

Ag labhairt le NÓS dó, dúirt Stiofán ó Fearail, príomhamhránaí an bhanna, gur onóir mhór é gur roghnaíodh amhrán leo chun lucht leanúna na hÉireann a ghríosadh.

“Is cúis bhróid dúinn é gan dabht! Tá an oiread sin amhrán maith tar éis a bheith luaite le foireann na hÉireann thar na blianta agus is mór an onóir dúinn é gur roghnaíodh ‘The Irish Roar’ sa deireadh!

“Is amhrán don lucht leanúna é a chuimhníonn ar chuid de na nóiméid mhóra le 26 bliain anuas. Bhí an-chraic againn á scríobh,”

 ar sé.

Sprioc mhór agus iad ag cumadh an amhráin ná go mbeadh an lucht leanúna ábalta na focail a cheol os ard gan stró.

“Bhí muid ag iarraidh go mbeadh an tuin cheart leis agus go mbeadh lucht leanúna na hÉireann in ann canadh leis,” ar Stiofán.

“Tar éis Euros na Polainne an t-am seo ceithre bliana ó shin, níl aon dabht ann ach go bhfuil lucht leanúna glórach paiseanta againn agus bhí muid ag iarraidh a bheith dílis dó sin,” ar sé.

Beidh ‘The Irish Roar’ á cheol ag Seo Linn beo i Staid Aviva Dé hAoine sula dtéann foireann na hÉireann chun páirce ina gcluiche cairdiúil deireanach in aghaidh fhoireann na hÍsiltíre.

Dúirt Stiofán le NÓS go bhfuil siad ag súil le leagan iomlán Gaeilge den amhrán a sheoladh an tseachtain seo chomh maith.

Beidh ‘The Irish Roar’ ar fáil le ceannach ar an Aoine seo chugainn. Idir an dá linn, tugaimis cluas le héisteacht leis.

Líricí: The Irish Roar

Óró ’sé do bheatha abhaile

1990 year of dreams, quarter finals, who’d believe!
Packie saved, Dave made us scream, danced on tables, seas of green!
4 years on revenge was sweet, Ray Houghton and his magic feet.

In South Korea and Japan, Robbie stuck the ball past Kahn!
Poznan bound we sang and sang, booting down the autobahn!
And now it’s to a different land, aul’ Henry and his thieving hand!

Curfá
And now we’re on our way, down the Champs-Élysée,
The Euros gonna hear the Irish roar!
With sleeping bags in vans, the mighty Irish fans,
The Euros gonna hear the Irish roar!

O’Neill and Keane the perfect team, planning out the Irish dream.
Italians, Belgians and the Swedes, will never beat the boys in green!
Brady, Hoolihan, McLean, Long & Walters, Robbie Keane!

Curfá
And now we’re on our way, down the Champs-Élysée,
The Euros gonna hear the Irish roar!
With sleeping bags in vans, the mighty Irish fans,
The Euros gonna hear the Irish roar!

Gáir
Óró, ’sé do bheatha abhaile X3
Anois ar theacht an tsamhraidh!