• Cultúr
  • Teic
  • Saol
  • Meáin
  • Taisteal
  • Gníomhaíochas
  • Gradaim NÓS 2021
  • Físeáin NÓS
  • Faoi NÓS
  • Teagmháil
  • Cultúr
    • Ceol
    • Scannáin
    • Leabhair
    • Ardán
    • Cartúin
  • Teic
  • Saol
    • Bia
    • Sláinte
    • Stíl
    • Craiceann
    • Spórt
  • Meáin
    • Raidió
    • Sóisialta
  • Taisteal
  • Gníomhaíochas
    • Teanga
    • Polaitíocht
    • Comhshaol
  • Físeáin NÓS
  • Fúinn

Share this...
Share on Facebook
Facebook
Pin on Pinterest
Pinterest
Tweet about this on Twitter
Twitter
Share on LinkedIn
Linkedin

NÓS

5ú Feabhra 2016

Ceol#tallann na ngael

Grianghraif: Pauric McGroder

      Tallann in airde ag Scléip 2016
      Na Fomhuireáin & Sonny Ní Chathasaigh i measc na mbuaiteoirí


      Bhailigh Scléipeadóirí buacacha as gach cearn den tír le chéile inné i gCluain Tarbh, BÁC, do chraobhchomórtas náisiúnta Scléip, a dhéanann ceiliúradh ar chruthaitheacht ilchineálach na n-óg.

      Ba iad Na Fomhuireáin réaltaí móra an lae, buíon de cheathrar as Corcaigh a thóg leo Gradam Scléip Gael Linn 2016 – a bhronntar ar an iomaitheoir is mó a sheas amach le linn an lae – mar aon leis an phríomhdhuais sinsir i rannóg na ngrúpaí ceoil.

      Dord, dhá ghiotár, xileafón, tambóirín agus ceithre ghlór áille a chuir an lucht éisteachta, chomh maith leis na moltóirí, faoi gheasa iomlán.

      Bronnadh an dara duais i rannóg na ngrúpaí ceoil sinsir ar cheoltóirí cróga Mhuineacháin, Na Painéil Bhána, a chuir sárthaispeántas i láthair le hamhrán den scoth atá nuachumtha acu le cúpla mí anuas.

      Is í cailín Chonamara Sonny Ní Chathasaigh, ó Scoil Chuimsitheach Chiaráin, a thug léi an chéad duais sa rannóg sinsir aonair lena hamhrán ‘An Fear Ciúin’, i gcomórtas ina raibh an iomaíocht ba ghéire ann gan amhras.

      Bhí dea-scéala ag láithreoir RíRá agus MC Scléip, Niamh Ní Chróinín, do bhuaiteoirí sna rannóga sinsearacha ar an lá agus cuireadh tugtha dóibh seinm ag mórfhéile ceoil Ravelóid i Meitheamh seo chugainn.

      Chuir caighdeán ard sna rannóg eile go mór leis an lá, go háirithe sna sceitsí nua-chumtha.

      Rinne an dá fhoireann bhuacacha – ‘Joe Mac Aoidh agus a Chairde’ ó Phobalscoil Ghaoth Dobhair (sóisear) agus ‘An Coiste Cróinéara’ ó Ghaelcholáiste Thrá Lí (sinsear) – plé fonnmhar agus cumhachtach le téama mór na bliana, 1916.

      Tugadh suntas don cheol, damhsa, agus amhránaíocht a chuaigh go mór i bhfeidhm ar an chúigear moltóirí; an damhsóir Sibéal Davitt; an t-amhránaí Enda Reilly; ball IMLÉ Cian Mac Carthaigh, Síle Ní Dhuibhne agus Leas-eagarthóir NÓS Méabh Ní Thuathaláin – agus ba mhór an t-ardú meanma agus spreagadh é an oiread Gael óg cumasach a fheiceáil ar ardán.

      Gael Linn a d’eagraigh Scléip 2016, a bhí ar siúl in Amharclann Clasach.

      Seo chugaibh na torthaí…

      SÓISEAR

      Rince Cruthaitheach (Aonair)
      1ú hÁit: Ellen Ní Chonchra – Gaelcholáiste Luimnigh

      Rince Cruthaitheach (Grúpaí)
      1ú hÁit: Shauna agus Shannon – Coláiste Cois Life, Leamhcán

      Sceitse nua-chumtha
      1ú hÁit: Joe Mac Aoidh agus a Chairde – Pobalscoil Ghaoth Dobhair.

      Slua-amhránaíochta
      1ú hÁit: Na Reibiliúnaigh – Coláiste Lú, Dún Dealgan.

      Ceol Uirlise Comhaimseartha (Aonair)
      1ú hÁit: Ruairí Mac Closcaí – Coláiste Lú, Dún Dealgan, Co. Lú.

      Ceol Comhaimseartha (Aonair)
      1ú hÁit: Caoimhe Nic Raghnaill – Scoil Chaitríona, Glasnaíon, BÁC.

      Ceol Comhaimseartha (Grúpaí):
      1ú hÁit: ‘Clú’ – Coláiste Lú, Dún Dealgan, Co. Lú
      2ú hÁit: Anna Marie, Emma, Róisín – Coláiste Íosagáin, BÁC.

      SINSÉAR

      Rince Cruthaitheach (Aonair)
      1ú hÁit: Cian Ó Conraoi – Coláiste Oiriall, Muineachán

      Rince Cruthaitheach (Grúpa)
      1ú hÁit: Grúpa Choláiste Oiriall – Coláiste Oiriall, Muineachán

      Sceitse Nua-chumtha
      1ú hÁit: An Coiste Cróinéara – Gaelcholáiste Chiarraí, Trá Lí

      Slua-Amhránaíochta
      1ú hÁit: Idirbhliain – Scoil Chaitríona, Glasnaíon

      Ceol Uirlise Comhaimseartha (Aonair)
      1ú hÁit: Jack O’Callaghan – Gaelcholáiste Luimnigh

      Ceol Comhaimseartha (Aonair)
      1ú hÁit: Sonny Ní Chathasaigh – Scoil Chuimsitheach Chiaráin, An Cheathrú Rua

      Ceol Comhaimseartha (Grúpaí):
      1ú hÁit) ‘Na Fomhuireáin’ – Gaelcholáiste Mhuire, An Mhainistir Thuaidh
      2ú hÁit) ‘Na Painéil Bhána’ – Coláiste Oiriall, Muineachán

      Gradam Scléip Gael Linn 2016 ‘Na Fomhuireáin‘ – Gaelcholáiste Mhuire, An Mhainistir Thuaidh

      Scéalta Eile

      Rianta na Míosa: Feabhra/MártaSeinnliosta NÓS ar Spotify

      ‘Year of the Living Dead’ agus Albaim eile na Míosarogha Ben Uí Fhaoláin

      Oíche cheoil i gcuimhne Frank McEvilly le reáchtáil ag Seo Linn anocht

      ‘An fear a mhúnlaigh ceol TG Lurgan’ ar shlí na fírinne

      Albaim na Míosa le Ben Ó Faoláin – Feabhra



      Nós

      Is iris chultúir í NÓS a thugann léargas beoga Gaelach ar an saol thart orainn. Tá muid anseo chun spraoi, machnamh agus gníomh a spreagadh.

      Déan. Bris. Léigh.
      • Faoi NÓS
      • Físeáin NÓS
      • Gradaim NÓS 2021
      • Fógraíocht
      • Teagmháil
      • About NÓS
      Teagmháil

      Cultúrlann McAdam Ó Fiaich
      216 Bóthar na bhFál
      Béal Feirste
      BT12 6AH
      eolas@nos.ie


      cc.white  2020 Rua Media