Turtar eagarthóir NÓS faoi agallamh ar BBC Two NI anocht

Beidh peata eagarthóir NÓS, an turtar Mícheálangaló, le feiceáil ar eagrán na hoíche anocht den chlár Peataí a chraolfar ar BBC Two NI. Labhróidh eagarthóir na hirise, Maitiú Ó Coimín, leis an láithreoir Tessa Fleming faoin turtar beag atá aige le sé bliana anuas.

Cuireadh tús leis an tsraith Peataí ar BBC Two NI an tseachtain seo caite, sraith ceithre clár ina gcaitear súil ar pheataí éagsúla i ‘tob-chlinic’ san Ard Farm i mBaile Nua na hArda i gContae an Dúin. áit ar chuir tréidlianna agus saineolaithe eile ainmhithe fáilte roimh úinéirí peataí le ceisteanna a chur orthu faoi dhrochiompar, drochanáil, dea-bhia agus dea-ghrúmaeireacht. 

Ar chlár na hoíche anocht, inseoidh Maitiú do Tessa faoin aire agus cúram a bhíonn ag teastáil ón turtar muisc atá aige, chomh maith leis an dúil atá ag an ainmhí beag i gceol Billie Eilish.

Beidh an clár á chraoladh ag 22.00 anocht ar BBC Two NI.