5 bhronntanas ghnéasúla ón gCailín sa Chathair

Is í an Nollaig í, agus má tá tusa aon cheo cosúil liomsa, ní bheidh tuairim faoin spéir agat céard ba cheart duit a fháil do do chéile. Mar sin, céard a déarfá le rud éigin gnéasúil? Athrú deas a bheadh i bhféirín gnéasúil ó liosta seanchaite Nollag de stocaí, leabhair, agus dearbháin, agus gealfaidh sé an Nollaig duit. Agus beidh píosa spraoi ann fosta, ar dóigh. 

Bíonn siopadóireacht na Nollag deacair go leor mar atá, tuige nach ndéanfá níos éasca é? Mill do chéile (nó tú féin!) i mbliana le rud éigin spraíúil agus gnéasúil a mbainfidh sibh beirt taitneamh as i gcaitheamh na féile. 

Ola shuathaireachta 

Tosaigh le rud éigin fadbhunaithe agus simplí. Cé againn nach dtaitníonn an tsuathaireacht leis? Is iontach an súgradh roimh chollaíocht é an tsuathaireacht, go háirithe nuair a bhíonn am breise agat don chollaíocht. In áit an lóis is gaire duit a úsáid an chéad uair eile, beidh tú in ann do leannán a mhilleadh le hola ghalánta shuathaireachta. Tabharfaidh ola dhea shuathaireachta an t-eispéireas ar aghaidh chuig an gcéad chéim eile, agus réiteoidh sí an bealach d’oíche mhór spraoi. 

Creathaire lánúine 

Ní do mhná amháin atá na creathairí! Roinn an spraoi i mbliana le creathaire lánúine. Tá creathairí lánúine iontach mar cuirtear isteach sa phit iad agus caitear le linn collaíocht iad, ag cur go mór le pléisiúr na beirte. Is féidir cuid acu a rialú ó chéin le haip, agus leibhéil éagsúla nirt ann, tá craic i ndán don dís araon. 

Téip chuibhrithe

Ní thagann saol an chuibhrithe le gach duine, ach má tá spéis agat ann agus má bhí tú ag iarraidh cúrsaí a bhrath sula dtabharfá faoi i gceart, is í an téip chuibhrithe an rogha is fearr. Tá téip chuibhrithe iontach mar níl sí chomh greamaitheach sin, mar sin ní théann sí i bhfostú i do chuid gruaige, ach greamaíonn sí léi féin. Níl sí chomh sriantach céanna le téad ach an oiread, mar sin más rud nua duit an cuibhriú, tabharfaidh an téip níos mó smachta duit. Féadfaidh tú í a úsáid mar  laincis, mar fháisceán, nó fiú mar dhaillicín, bain triail agus taitneamh aisti!

Pitseamaí síoda

desire blonde female model in silk pajamas sitting on bed in white minimalistic bedroom

Ní rud ar bith cosúil le pitseamaí síoda ann. Tá sé beagnach chomh deas céanna a bheith ag sleamhnú isteach sa leaba i bpitseamaí síoda agus atá sé dul isteach sa leaba agus braillíní nua uirthi, agus aireoidh tú gnéasúil ann gan a bheith ag caitheamh éadaí cearta cnis. Anuas is sin, is deas lámh a chur ar shíoda, agus más ar do chéile atá sé, beidh sé níos deise fós. Ní fhanfaidh na pitseamaí síoda ort i bhfad, chuirfinn geall.

Tabhartas do charthanacht ghnéis  

Ar deireadh, níl tada níos gnéasúla ná airgead a dheonú do charthanacht. Agus nuair a bhíonn an charthanacht sin ag cur dea-chleachtais ghnéis chun cinn, bíonn sé níos fearr fós. Is faoin mbronnadh atá an Nollaig, agus is bealach iontach é airgead a bhronnadh ar charthanacht in ainm duine eile tabhairt ar ais don phobal agus do chúiseanna is cás leat. Tá an Trevor Project ar cheann de na carthanachtaí is fearr liom, beolíne féinmharaithe agus togra for-rochtana do dhaoine óga LADT+. Is cuma cén charthanacht a roghnóidh tú, áfach, seans gurb é an charthanacht an rud is gnéasúla amuigh aimsir na Nollag.