Tá mír nua ghrinn tosaithe ar Raidió na Life darb ainm Raidió Ráiméis.
Is lucht GhaelGÁIRÍ agus Lisa Madden ón stáisiún féin atá taobh thiar de agus beidh eipeasóid nua á craoladh maidineacha Dé hAoine ar an gclár úr céadproinne An Bricfeasta Blasta.
Stáisiún raidió nua mar dhea atá ann a thugann léargas eile ar shaol an raidió in Éirinn dúinn.
Tá an chéad eip le clos anseo thíos… táimid ag súil go mór lena thuilleadh!
Is é seo an togra is nuaí de chuid GhaelGÁIRÍ, an t-aon chlub grinn Gaeilge sa tír.
Beidh GaelGÁIRÍ ag dul go Béal Feirste den chéad uair riamh ar Dé Máirt 4 Lúnasa, 8in, tráth a mbeidh gig acu sa Chultúrlann mar chuid de Fhéile an Phobail.
Beidh Michael Mee, Seán T. Ó Meallaigh agus a chara Pato, Ger Staunton agus Aideen McQueen mar bhean an tí chomh maith le slua de dhaoine greannmhara as Béal Feirste, Paddy McDonnell ina measc, le feiceáil ar an oíche.
£3 atá ar na ticéid agus tá breis eolais anseo.
Beidh GaelGÁIRÍ ag taisteal timpeall na tíre d’fhéilte eile mar sin coinnígí súil amach dóibh.
Tá fáilte roimh mholtaí/smaointe d’fhíseáin agus fuirseoirí úra i gcónaí ach scéal a chur chucu ag gaelgairi@gmail.com
