‘Canúintí Gaeilge na hÉireann agus na hAlban’ – caint leis an Dr Art Hughes
Dé hAoine 19 Márta @19:00
Tá CLG Naomh Colum Cille agus Comhairle Ceantair Lár Ulaidh tagtha le chéile chun caint ar líne a eagrú leis an Dr Art Hughes faoi chanúintí na Gaeilge in Éirinn agus in Albain. Cloisfear faoi na cosúlachtaí́ agus na difríochtaí́ atá eatarthu agus beidh neart le foghlaim ón oíche!
Leis an nasc a fháil, ní ga ach le ríomhphost a sheoladh chuig chairperson.naomhcolumcille.tyrone@gaa.ie
Clabhsúr Sheachtain na Gaeilge 2021
Dé hAoine 19 Márta @20:00
An t-imeacht deireanach de chuid Sheachtain na Gaeilge 2021 agus obair na gcapall curtha isteach ag an bhfoireann i mbliana. Beidh ceol agus painéal cainte ann anocht oíche, agus Gráinne Holland an tí seo, Caoimhe Ní Chathail agus Linda Ervine i measc na n-aíonna le críoch spleodrach a chur leis an bhféile.
Beidh an t-imeacht á shruthú ar YouTube Sheachtain na Gaeilge
Cuimhneachán agus Ceiliúradh in ómós do Rí na Scéalaíochta, Micí Sheáin Néill Ó Baoill
Dé hAoine 19 Márta @20:00
Tá ceiliúradh á dhéanamh i Rann na Feirste ar shaol agus ar shaothar Mhici Sheáin Néill Uí Bhaoill, ag tosú le seoladh leabhair agus dlúthdhiosca nua ‘Scéal Chú Chulainn’. Roinnfidh gaolta agus cairde an scéalaí cuimhní cinn.
Imeacht ar líne, á shruthú ar leathanach Facebook Sheanchas Sheáin Néill
Ceardlann Idirnáisiúnta do scríbhneoirí́ Gaeilge
Dé Satharn 20 Márta @14:00
Cuirfidh Cló Iar-Chonnacht fáilte roimh scríbhneoirí le Gaeilge atá ina gcónaí lasmuigh d’Éirinn agus nach mbíonn an deis acu bualadh le scríbhneoirí eile le Gaeilge. Deis a bheidh ann le forbairt a dhéanamh ar scéalta, dánta agus saothair ó gach cearn den domhan!
Níl spás ann ach d’ochtar, seoil ríomhphost chuig moccic22@outlook.com
An Ghaeltacht faoi Bhláth
Dé Máirt 23 Márta @19:15
An bhfuil suim agat i ngarraíodóireacht agus do lámha a chur san ithir? Beidh Brian Ó Dónaill ag labhairt faoi bhleibíní sa gharraí tráthnóna Dé Máirt. Eagraithe ag Stór Mhúscraí, beidh deis ag rannpháirtithe duais a bhuachan bunaithe ar théama na hoíche.
Saor in aisce, cláraigh anseo
Beidhc-Obh Mór Mhuir Éireann
Dé Sathairn 20 Márta @ 14.30
Beidh eagarthóir NÓS, Maitiú Ó Coimín, agus colúnaí Gaelg NÓS, Isla Callister, ag glacadh páirte in ‘Beidh-Obh Mór Mhuir Éireann’ amárach mar chuid denFhéile idirGhaelach Cassan atá á reáchtáil ag Conradh na Gaeilge Bhoirche Íochtar an tseachtain seo. Imeacht dátheangach, Gaeilge agus Manainnis, a bheidh i gceist agus beidh na cosúlachtaí idir cultúr na hÉireann agus cultúr Mhanann á gceiliúradh ag an mbeirt Ghael a fhad is atá siad ag bácáil ‘bonnag’ traidisiúnta Mhanann. Tá liosta na gcomhábhar agus treoracha le bonnag a bhácáil ar fáil ar Facebook Chonradh na Gaeilge Boirche Íochtar.
Beidh an ‘Beidhc-Obh’ á chraoladh ar Facebook.
