Ag ceol le cupáin
Cnag eile Youtube ó Choláiste Lurgan

Tá sé déanta arís ag na dúdannaí i gColáiste Lurgan.

Chuaigh an t-amhrán áirithe seo go mór i bhfeidhm orainne anseo i NÓS nuair a chonaic muid cailíní óga Gaelacha as Tír Eoghain á chanadh sa chomórtas Gaelscoileanna, Scléip, ní ba luaithe i mbliana agus anois tá muid tite i ngrá leis arís.

‘When I’m Gone’, nó ‘The Cup Song’ mar is fearr aithne air, an t-amhrán atá i gceist agus tháinig sé faoi aird an phobail mhór nuair a eisíodh an scannán ‘Perfect Pitch’ anuraidh.

Anois tá aistriúchán úr déanta ag muintir Cholaiste Lurgan agus bhailigh Laoibhse Ní Nualláin agus 600 rannpháirtí eile le chéile le déanaí chun an líon is mó daoine riamh a chur ag ceol ‘Amhrán na gCupán’.

Éacht agus físeán den scoth. Anois cá bhfuil ár gcupáin…?

Liricí – Amhrán na gCupán

Tá an ticéad a’am don bhealach fada
Dhá bhuidéal uisce don thuras
Is ba bhreá liom cara a bheith in éindí liom
Mé ag fágáil amárach, mbeidh tú liom?

Nuair ‘tá mé imithe
Nuair ‘tá mé imithe
Aireoidh tú uait mé ‘s gan mé ann
Aireoidh tú uait mé ‘s mo aoibh
Aireoidh tú uait mé ‘chuile
thaobh
Ó, aireoidh tú uait mé ‘s gan mé ann

Tá an ticéad ‘am don bhealach fada
Tá an saol mór ag fanacht liom
Measc na sléibhte, taobh na habhann
Ait a bhíonn an t-aer breá úr
Beidh sé i bhfad níos fearr leat a stóir

Nuair ‘tá mé imithe
Nuair ‘tá mé imithe
Aireoidh tú uait mé ‘s gan mé ann
Aireoidh tú uait mé ‘s me ag caint
Aireoidh tú uait mé ‘s mé ag seinnt
Ó, aireoidh tú uait mé ‘s gan mé ann