Gach Aoine bíonn cluas á tabhairt againn le hamhrán nua-chumtha Gaeilge ar leith.
An tseachtain seo, labhair Pól Ó Gallchóir linn faoin amhrán ‘Tír na gCodladh’ le Wee Small Gods, scríofa agus cumtha ag Pól agus Kieran Coleman ón bhanna.
Tá an-fhíseán déanta acu don amhrán a chuireann go mór leis an atmaisféar ar leith lena linn tríd.
Ceathrar as Ros Comáin agus Dún na nGall atá sa ghrúpa spleodrach seo; na céilí ceolmhara, Pól Ó Gallachóir agus Maria Ní Cholmáin, deartháir le Maria, Kieran agus cara leo Mark Flanagan.
Bua na ndéithe beaga seo ná go bhfuil féith na hamhránaíochta ag an cheathrar sa bhanna, agus iad in ann uirlisí éagsúla a chasadh agus a bheith ag plé le harmóin.
Tá mórán amhrán cumtha acu i nGaeilge agus i mBéarla, a tharraingíonn ar gach saghas seanré ó indie, rac, reigé, snagcheol, ska agus electronica.
Banna ardfhuinnimh ar chuireann seó beo den scoth i láthair! Tapaigh an deis iad a fheiceáil.
Idir an dá linn seo chugaibh an físeán a raibh muid ag caint air!
Cad é an cúlra atá ag ‘Tír na gCodladh’?
Bhí mé ag smaointiú faoi rap agus réige i nGaeilge, bhí sé i gcónaí ar m’intinn.
Amhrán atá ann faoi dtaobh de chúrsaí polaitíochta sa tír agus faoin dóigh nach bhfuil duine ar bith sásta seasamh suas agus an fhírinne a insint.
Ar an drochuair, tá muid suaineach faoin dóigh a bhfuil an tír á reáchtáil.
Is grúpa muid ar maith linn a bheith ag seinm ar stáitse beo, agus bhí muid ag iarraidh sin a thaispeáint san fhíseán.
An bhfuil líne ar leith a thaitníonn leat?
An chéad líne
Cé hé mé…
An líne is simplí ach an líne is deacra le cur le chéile.
Tá suim mhór agam sa rithim agus shíl mé gur oibrigh sé
…ach ní hiad na Gaill atá ár ndíshealbhú,
Nuair a smaoiníonn tú faoi stair na tíre ba iad daoine a bhí ag teacht isteach a bhí ag cur daoine amach as a dtithe ach ní sin an dóigh atá sé níos mó: is iad daoine dár gcuid féin atá á dhéanamh.
Bhí sin ag cur isteach orm go mór ag an am.
Níl mórán daoine ag labhairt fá dtaobh de, má tá siad ag labhairt faoi, déarfadh siad “ach sin an dóigh a bhfuil sé”.
Scríobh mé an t-amhrán cúpla bliain ó shin ach bhí a fhios agam go mbeadh sé fíor inniu.
Liricí: Tír na gCodladh
Cé hé mé a mheasann tú tarraing uaim mo dhallamullóg go bhfeiceann thú
Cé hé mé a mheasann tú ag glacadh áit ag mo thábla ag alpadh le do theangai dhubh
Hi hi sé sé feicim thú ag cur do lámh i mo phóca i ngan fhios dom, ngan fhios dom
Cé hé seo leis an chumhacht ar a chúl, mothaím boladh bréan tchím súile beaga geala dubh.
Ach codladh go sámh tá tréan grábhogaí ar fáil le na heitleáin lán go béal
Stróc an píosa deireanach feoil ón gcnámh dá mbeadh seo linn snámh bheadh muid a bhathu
Amharc ar na tithe uilig folamh ach ní hiad na Gaill atá ár ndíshealbhú, ní hiad na Gaill atá ár ndíshealbhú
Is níl i nduine ráth focal i dtír na gcodladh
Is níl i nduine ráth focal i dtír na gcodladh
Cé hé mé a mheasann tú ag cur focail i mo bhéal i ngan a fhios dom
Cé lig isteach mo thiarna talún úr ag cuir cáin ar mo chac tá dath ór ar mo mhun
Cé hé seo leis gcumhacht ar a chúl mothaím boladh bréan tchím súile beaga geala dubh
Ach codladh go sámh tá tréan grábhogaí ar fáil le na heitleáin lán go béall
Stróc an píosa deireanach feoil ón gcnámh dá mbeadh seo linn snámh bheadh muid a bhathu
Amharc ar na tithe uilig folamh ach ní hiad na Gaill atá ár ndíshealbhu, ní hiad na Gaill atá ár ndíshealbhú
Is níl i nduine ráth focal i dtír na gcodladh
Is níl i nduine ráth focal i dtír na gcodladh
Leanaigí Wee Small Gods agus coinnigí ar an eolas faoi cad atá ar siúl acu.
Beidh Pól Ó Gallchóir i mbun cainte le Rónán Mac Aodha Bhuí ar RnaG, 3-4in, ar an tseachtain seo chugainn!
