‘An Deargóir Álainn’ Síomha i mbun ceoil anocht le ‘An Cailín Álainn’ i gcuideachta Michael Bublé i mBéal Feirste #Laoch 🙌👏🅾️ #Gaeilge @ColaisteFeirste 👏🙌🅾️ @MichaelBuble @JOEdotie @BelfastLive @irish_news @IrishCentral @nosmag @tuairiscnuacht pic.twitter.com/p2FOL0XG8I
— An Dream Dearg 🅾️🦸🏽♀️🦸🏻♂️ (@dreamdearg) 10 Meitheamh 2019
Tá físeán á scaipeadh ina loscadh sléibhe ar na meáin shóisialta cainteoir óg Gaeilge a chan an t-amhrán Gaeilge ‘An Cailín Álainn’ ag ceolchoirm de chuid an amhránaí mhóir Cheanadaigh Michael Bublé a bhí ag casadh i mBéal Feirste aréir.
Tháinig an Buiblíoch anuas ón ardán le labhairt lena lucht éisteachta ag an gceolchoirm sa Belfast Arena agus chuaigh sé i mbun cainte le Síomha Nic Brádaigh. Labhair an bheirt le chéile agus ansin thug Michael an micreafón agus thug cuireadh di amhrán dá rogha féin a chanadh.
“Níl a fhios agam caidé a dhéanfaidh tú, níl a fhios ag duine ar bith caidé a dhéanfaidh tú — an bhfuil a fhios agatsa caidé a dhéanfaidh tú?” a d’fhiafraigh sé di.
Dúirt Bublé le Síomha an micreafón a thógáil agus “canadh óna croí”.
Ba é an t-amhrán a chan sí ‘An Cailín Álainn’, amhrán a scríobh Tomás Mac Eoin as an gCeathrú Rua i gConamara.
Thuill a hiarracht moladh mór ó Michael Bublé:
“That was beautiful kid!”
Is cainteoir óg Gaeilge as Béal Feirste í Síomha Ní Bhrádaigh. Tá sí féin agus a muintir an-ghníomhach i bpobal na Gaeilge sa gceantar agus go háirithe sa Dream Dearg.
