Tá sé ar na ráitis is clúití i measc Ghaeil an tuaiscirt, agus mana láidir de chuid phobal glórach Gaeilge Bhéal Feirste ach go háirithe.
Chuaigh na focail chumhachtacha úd, “ná habair é, déan é,” i bhfeidhm ar go leor thar na blianta agus duine acu sin JJ Ó Dochartaigh, an ceoltóir agus amhránaí as Doire.
Scríobh sé amhrán bunaithe ar an ráiteas anuraidh agus anois tá físeán úrnua den traic á fhoilsiú againne anseo ar NÓS inniu.
Tá sé oiriúnach gur i gCultúrlann McAdam Ó Fiaich a taifeadadh an scannán agus baill den phobal áitiúil Gaeilge le feiceáil ann, ina measc an seanfhondúir ceannródaíoch a bhfuil na 5 fhocal sin ráite aige níos mó ná aon duine eile, Séamus Mac Seáin.
“Mana iontach é atá chomh hábhartha inniu is a bhí riamh,” arsa JJ.
“Is spreagadh é do na Gaeil bheith gníomhach, bheith ag smaoineamh dóibh féin agus seilbh a ghlacadh ar an saol trí Ghaeilge!”
Agus cé atá in ann easaontú leis sin?!
Liricí: ‘Ná habair é, déan é’ le J.J. Ó Dochartaigh
Chuir mé an síol agus d’fhás sé go spéir, (do-do do, do do, do do, do do)
Nuair a ghlan mé an fuíoll, bhí sé snasta is géar (do-do do, do do, do do, do do)
D’aithin gach duine go raibh fiúntas mór leis (do-do do, do do, do do, do do)
nuair a spreag sé an óige agus mhúscail sé spéis (do-do do, do do, do do, do do)
Anois an gcreidfidh sibh mé? Nuair a dhiúltaíonn tú géilleadh don namhaid, gheobhaidh tú é
Cúrfa: An té nach bhfuil láidir, ní mór dó bheith glic.
Tá teachtaireacht nua ag teacht ó na cnoic,
Bhí Maoise fadó ann, na Gaeil ann anois
Tá an deascéal réidh,
Ná habair é, déan é (x2)
Má tá fód ann le seasamh, seasfaidh muid é (do-do do, do do, do do, do do)
Tá an t-am ann don ghníomhú, déan dearmad ar phlé (do-do do, do do, do do, do do)
Níl uasal nó íseal i mbearna an bhaoil (do-do do, do do, do do, do do)
Gualainn ar ghualainn, go deireadh an tsaoil. (do-do do, do do, do do, do do)
Anois an gcreidfidh sibh mé? Nuair a dhiúltaíonn tú géilleadh don namhaid, gheobhaidh tú é
Cúrfa: An té nach bhfuil láidir, ní mór dó bheith glic.
Tá teachtaireacht nua ag teacht ó na cnoic,
Bhí Maoise fadó ann, na Gaeil ann anois
Tá an deascéal réidh,
Ná habair é, déan é (x2)
