Tá 30 rian curtha lenár seinnliosta Rianta na Míosa agam do mhí Lúnasa, ag tosú le ceol úr taifeadta ag Julie Dawson ón ngrúpa Éireannach New Dad, i dteannta Space Dimension Controller.
I measc na nÉireannach eile a bhfuil ceol dá gcuid curtha leis an liosta tá Lullahush, Fontaines D.C., And So I Watch You From Afar, B.D.B (tógra úr Bicep agus Benjamin Damage) agus Silverbacks.
Ag bogadh thar lear, tá ceol úr le clos ón ngrúpa shoegaze Clinic Stars as Detroit, ón ngrúpa cibearphunc Melt-Banana (táid craiceáilte!) as Tóiceo, agus ó Yaeji is Fcukers as Nua-Eabhrac. Tá bean na tóna móire Moonchild, Sanelly, linn ón Afraic Theas, Goat ón tSualainn, Voilaaa ón Fhrainc, Anna Erhard as an Eilvéis agus Maffi as an Danmhairg.
Ina theannta sin tá ceol úr againn ó Jeshi, The Smile, Adrienne Lenker, Kloke, The Osees, Submerse, Soul Infinity Orchestra agus Submerse — chomh maith le seoda atheisithe de chuid Cocteau Twins & Harold Budd, Fracture & Neptune, Jimi Tenor agus The Pandoras!
