Tá os cionn 1000 rian curtha againn lenár seinnliosta leanúnach de rianta na míosa ar Spotify ó bunaíodh é tamall de bhlianta ó shin, a chairde!
Is iad SÉiMí (Jamie Jamieson) agus Color Hermano a chuireann tús leis an mhí seo le port reigé, ‘Cé a Bheas Thíos Leis?’
Metronomy. Grianghraf: Lewis Khan.
I measc na nGael eile a bhfuil ceol nua dá gcuid ar an liosta tá Huartan, Twin Headed Wolf, Captain Moonlight, Rufous Nightjar agus New Jackson.
Ina dteannta sin, bí ag súil le ceol úr hip hop a chlos ó Che Noir, Deeflux & Miracle agus Kema & Jazz T (chomh maith le seoda atheisithe de chuid Common agus Bahamadia), filíocht i mBreatnais thar cheol Bailéarach ó Joan Bibiloni & Rhys Ifans, agus dordcheol úr ó Horsepower Productions agus Fez The Kid.
Tá rianta ó albaim úra de chuid Jesus and Mary Chain, Wrecked Lightship, Laura Masotto, Egoless, Ana Lua Caiano agus Amaro Freitas ann, singlí nua ó Metronomy, Mato, Man Power, Campus Christy agus Sucker, chomh maith le poirt bainte ó shaothair atheisithe de chuid Stereolab, Irakere, Chapterhouse agus As One. Léim isteach…
