Rianta na Míosa: Márta-Aibreán
seinnliosta NÓS ar Spotify

Tá seinnliosta na míosa réitithe ag ár gcolúnaí ceoil Ben Ó Faoláin ar Spotify agus níos mó rianta iontacha aige dúinn an mhí seo ná mar a bhí riamh cheana ar Sheinnliosta NÓS ar Spotify — tá 30 rian den cheol func domhanda, indie, hip-hap, reigé, dioscó, house, dordcheol agus leictreo bailithe in aon áit amháin aige.

Tá ceol nua ó José Gonzálex, Two Shell, Liam Bailey, Noname, beeabadoobee agus the Koreatown Oddity, chomh maith le Freakenstein, Gordan Koang, Thugwidow, Brain Rays & Quiet, Wormholes agus ceoltóirí eile nach iad.

Eisíodh roinnt mhaith albam nua le mí nó dhó anuas agus tá rianta ó ábhar nua Kojaque, Lael Neal, Floating Points and Pharoah Sanders, DJ Normal 4, Lake Haze, Eomac, STR4TA agus eile ar liosta na míosa seo.

Tá athmheascadh déanta ag John Talabot na Spáinne ar rian de chuid Nicola Cruz Eacuadór agus ag Coco Bryce ar phort de chuid Drumskull, agus iad araon le clos ar an seinnliosta seo.

Ar na ceoltóirí a bhfuil atheisiúint déanta ar sheanseoda dá gcuid tá Ultramagnetic MCs, The Fall, Scotty, Winston Neale, Sir Victor Uwaifo, Mario Y Sus Diamantes, Eboni Band agus The Boogie Man & Sipho Gumede.

Ná déan dearmad NÓS a leanacht ar Spotify!