Suaitheantais Ghaelacha na 80í
Siar bóthairín na smaointe

Is iomaí treocht stíle a tháinig chun cinn sna 80í, treochtaí a ndearna cuid againn ár ndícheall dearmad a dhéanamh orthu.

Ba le linn ré thriallach na 80í, a tháinig agus a d’imigh (nach mór!) pónaithe na bhfear, scrunchies ildaite, fáinní cluasa ró-mhóra, pillíní gualainne, buantonnta (perms) agus uaireadóirí swatch. 

Ré órga na suaitheantas a bhí sa 10 mbliana céanna a chonaic an uile shórt suaitheantas a mheallfadh punc-racairí, clubálaithe agus tradheads araon; cuid a tháinig leis an status quo agus cuid eile a raibh teachtaireachtaí réabhlóideacha le brath orthu.

Nós forleathan a bhíodh ann suaitheantais a chaitheamh i measc déagóirí ar fud na hEorpa agus níos faide anonn go deimhin.

B’amhlaidh a bhí in Éirinn agus bhí suaitheantais áille Ghaelacha i measc rogha na mbonn a bhí le feiceáil ar Ghaeil óga na tíre.

Tá muid buíoch de Nósadóir amháin, a bhí ag tochailt san áiléar ag an deireadh seachtaine, as a bhailiúchán suaitheantas a chruinnigh sé ó aois óg a roinnt linn.

An cuimhin leat aon cheann acu a bheith á chaitheamh agat féin?!

---

1) ‘Níl aon tóin tinn…’, ‘CLG abú’ agus ‘Táim i bPUNK!’ 

---

2) ‘Ní Tír go Teanga’, ‘RnaG abú’, ‘Cumhacht Adamhach?’ agus ‘Ól Poitín’

---

3) ‘Tóg go bog é’, ‘Aisling Gheall RTÉ 2’, ‘Ógra Éireann’ agus ‘Tá Gaeilge Agam!’