FÍSEÁN: ‘Teanga’
Dán leis an fhile Gearóid Mac Lochlainn


Is breá linn mar Ghaeil an fhilíocht agus inniu tá muid ag foilsiú físeán nua de dhán leis an fhile Gearóid Mac Lochlainn.

Is as Béal Feirste é Gearóid, atá i measc na bhfilí is ceannródaí sa Ghaeilge, agus is ina chathair dhúchais a taifeadadh an físeán thuas.

Spreagadh an stiúrthóir, Gráinne Holland, an dán a scannánú tar éis comhrá le duine le déanaí.

“Cuireadh ceist orm ar na mallaibh cén fáth a mbím ag ceol i nGaeilge don chuid is mó, go háirithe, dar leo, nuair nach bhfuil mórán deiseanna Gaeilge a labhairt i mBéal Feirste taobh amuigh den seomra ranga,” arsa Gráinne.

“Chuir seo iontas orm agus chuir sé mé ag smaointiú ar cé chomh beo is atá an teanga anseo ó thuaidh agus i mo chathair féin, Béal Feirste.

“Tá sí le cluinstin sna siopaí, sna páirceanna súgartha, ar na sráideanna, i measc na gceoltóirí.

“Ní raibh deacracht agam riamh an Ghaeilge a labhairt i mo chathair féin taobh amuigh den seomra ranga.

“Chuir sé dán de chuid Ghearóid Mhic Lochlainn i gcuimhne dom agus shíl mé go dtiocfadh linn an dán sin a úsáid le pobal beo bríomhar s’againne, agus an teanga féin, a chéiliúradh.”

Tá muid an-bhuíoch de gach duine a chuidigh linn an físeán a dhéanamh… agus beidh tuilleadh le theacht gan mhoill!


Tá leagan den fhíseán le haistriúchán Béarla le fáil anseo.