Bhí na sluaite Gael i Ráth Chairn glas gréine na Mí ag tús na míosa le freastal ar Fhéile na Gealaí, an fhéile is mó fás i saol na Gaeilge le blianta beaga anuas. Cé nach raibh an aimsir chomh haoibhinn céanna seachtain go leith ó shin agus atá anois, bhain a raibh i láthair ardtaitneamh as an gceol agus as an gcraic i nGaeltacht na Mí. D’iarr lucht eagraithe na féile agus NÓS ar ár léitheoirí scoth na bpictiúr ón bhféile a chur faoinár mbráid do chomórtas grianghraf.
Seo daoibh plúr na bpictiúr a fuair muid agus is fúibhse atá sé anois buaiteoir ár gcomórtais a roghnú – téigh chuig an leathanach Facebook atá ag NÓS agus tabhair ordóg don phictiúr is fearr leat. Gheobhaidh an grianghrafadóir a mheallann an méid is mó péire ticéad d’fhéile na bliana seo chugainn agus beidh gach duine a chaitheann vóta istigh ar chomórtas freisin le péire ticéad a bhuachan!
Tá an gailearaí Facebook ar fáil anseo – vótáil leat!
