Tá an-saibhreas go deo le fáil sna seanfhocail. Ar an drochuair tá cuma beagán seanchaite ar roinnt acu. Nár dheas leaganacha nuashonraithe a scríobh a d’oirfeadh don saol sa lá atá inniu ann?
Seo daoibh mar sin seanfhocail ina nuafhocail. Míle buíochas leis an dream ar fad ó GaelGÁIRÍ agus eile agus spreag roinnt acu seo. An bhfuil aon smaointe agat féin? Roinn do chuid iarrachtaí féin linn ar na meáin shóisialta!
“Is maith an t-anlann an Thousand Island Dressing.”
“Giorraíonn JCB bóthar.”
“Is fearr cara ar Facebook ná punt sa sparán.”
“Is maith an scéalaí an bhean a shaothraíonn a cuid trí scéalta a insint go gairmiúil.”
“Níl aon tinteán mar na cinn sin a dhíoltar in Ikea.”
“An rud is annamh… ní tharlaíonn sé rómhinic.”
“An tae nach bhfuil láidir ní foláir… an mála a fhágáil ann níos faide.”
“Níl aon leigheas ar an ngrá más herpes atá ann.”
“Is fearr rith maith ná drochsheisiún sa gym.”
“Is binn béal atá fíor-auto-tiúnáilte.”
