Níos luaithe i mbliana scaip foireann NÓS ceist ar phobal an idirlín.
Rud simplí a bhí ann: ainmnigh na trí leabhar Gaeilge is mó a thaitin leat.
Bhuel, tá na freagraí tagtha isteach anois agus is spéisiúil na rudaí is féidir a fhoghlaim faoi nósanna léitheoireachta Gaeilgeoirí.
Is iomaí liosta atá curtha le chéile ag lucht acadúil ach ba iad na leabhair thaitneamhacha a theastaigh uainn anseo.
Timpeall 115 duine a vótáil agus luadh isteach is amach le 150 saothar ó réimse leathan seánraí (níor ainmnigh gach duine trí leabhar agus vótáil go leor do na saothair chéanna).
Mar sin seo iad na leabhair is gile leis na Gaeil!
1. An Béal Bocht – Myles na gCopaleen / Brian Ó Nualláin (28 vóta)
2. Cré na Cille – Máirtín Ó Cadhain (18 vóta)
3. An Litir – Liam Mac Cóil (11 vóta)
4. Dúil – Liam Ó Flaithearta (10 vóta)
5. An Druma Mór – Seosamh Mac Grianna (9 vóta)
6. Cuaifeach Mo Londubh Buí – Séamas Mac Annaidh (7)
7. Deoraíocht – Pádraic Ó Conaire (6)
8. Mo Bhealach Féin – Seosamh Mac Grianna (6)
9. An tOileánach – Tomás Ó Criomhthain (6)
10. Caisleán Óir – Séamus Ó Grianna (6)
11. Lig Sinn i gCathú – Breandán Ó hEithir (5)
12. Dílis – Réaltán Ní Leannáin (5)
13. Scothscéalta – Pádraic Ó Conaire (4)
14. Gluaiseacht – Alan Titley (4)
15. Méirscrí na Treibhe – Alan Titley (3)
16. Séadna – Peadar Ua Laoghaire (3)
17. 20 Bliain ag Fás – Muiris Ó Súilleabháin (2)
18. Peig – Peig Sayers (2)
19. Mo Scéal Féin – Peadar Ua Laoghaire (2)
20. Dé Luain – Eoghan Ó Tuairisc (2)
21. L’Attaque – Eoghan Ó Tuairisc (2)
22. Hula Hul – Seán Mac Mathúna (2)
23. Cith ‘s Dealán – Séamus Ó Grianna (2)
24. Scéal Ghearóid Iarla – Máire Mhac an tSaoi (2)
25. Mis – Biddy Jenkinson (2)
26. Na Dánta – Máirtín Ó Direáin (2)
27. An Triail – Máiréad Ní Ghráda (2)
28. Ding – Seán Mac Mathúna (2)
29. Dánta – Caitlín Maude (2)
30. An Tionscadal – Tomás Mac Síomóin (2)
31. Dúnmharú ar an Dart – Ruaidhrí Ó Báille (2)
32. An Cléireach – Darach Ó Scolaí (2)
33. Aisling Ghéar – Breandán Ó Buachalla (2)
34. Jimín – Pádraig Ó Siochfhradha (2)
An leabhar is mó a thaitin le daoine ná An Béal Bocht, sárshaothar a aorann litríocht na Gaeltachta agus an saol ainnis a bhíonn i gceist inti.
Ní nach ionadh bhí meas mór ar Cré na Cille agus is é a bhain an dara háit sa liosta.
Ansin feictear leabhar atá nua go maith agus an-taitneamhach ar fad, is é sin úrscéal stairiúil Mhic Cóil, An Litir.
Ansin sár-scéalta ó Dúil le Liam Ó Flaithearta.
An Druma Mór a bhain an cúigí háit, scéal nár shamhlaigh mé an oiread sin a bheith ag tarlú ann i bhfírinne… beidh orm breathnú air arís.
Ina dhiaidh sin tá úrscéal turgnamhach casta Cuaifeach Mo Londubh Buí.
Tá béim ar leith ar litríocht na Gaeltachta agus tá ocht leabhar ina bhfuil an ghné seo go láidir iontu agus scata mór beathaisnéisí Gaeltachta.
Tá roinnt cnuasach filíochta ann agus dráma amháin (ní bheidh aon duais ann don té a thuar seo áfach!).
Tá mórán úrscéalta stairiúla ann chomh maith agus dhá shaothar le Seán Mac Mathúna agus dhá cheann le hÓ Tuairisc.
Nach suimiúil an tslí nach bhfuil ach fíorbheagán de na leabhair lonnaithe taobh amuigh d’Éirinn, mar atá An Tionscadal agus Gluaiseacht?
An léiríonn seo go bhfuil ár litríocht beagán ródhírithe ar ár n-oileán beag féin? Sílim go léiríonn.
Tá roinnt rudaí in easnamh sa liosta, is é an trua nach bhfuil tuilleadh banscríbhneoirí agus scríbhneoirí óga le feiceáil ann.
Níl ach sé leabhar a scríobh mná i measc an 34 leabhar is mó a luadh.
Má tá aon mholtaí agat faoi leabhair mhaithe eile le mná na hÉireann, abraigí linn!
Má tá suim ag léitheoirí NÓS nár ghlac páirt ann cheana vóta a bheith acu, cuir scéala chugainn ar Facebook nó Twitter (3 mholadh ag gach duine, ní ghlacfar le vótaí ó dhaoine a vótáil cheana).
Is suntasach chomh maith an líon leabhar nach luaitear ach uair amháin.
An bhfeicfí a leithéid le mórtheanga? Ní dócha é.
Anseo thíos tá liosta den 111 saothar sin – liosta a léiríonn éagsúlacht an-mhór i nósanna léitheoireachta Gaeilgeoirí.
ad delectationem stultorum – Philip Cummings
An Bíobla
An Bóthar go Santiago – Micheal De Barra
An Chéad Chloch – Pádraic Ó Conaire
An Colm Bán – Liam Ó Muirthile
An Dealg Droighin – Nuala Ní Dhomhnaill
An Deireadh – Seamas Mac Annaidh
An Dochtúir Áthas – Liam Mac Cóil
An Duinníneach – Proinsias Ó Conluain & Donncha Ó Céileachair
An Fáinne Arabach – Deasún Breatnach
An Fear a Phléasc – Micheál Ó Conghaile
An Garbhán – Julia Donaldson (aistrithe ag Gabriel Rosenstock)
An Gasúr a chaill a ghoille – Deasún Breatnach
An Grá agus an Ghruaim – Seosamh Mac Grianna
An Grá Riabhach – Biddy Jenkinson
An Hobad – J.R.R. Tolkien (aistrithe ag Nicholas Williams)
An Pota Gáire – Tim Lehane & Pádraig Ó Méalóid
An Strainséara – Albert Camus (aistrithe ag Diarmuid Ó Gráinne)
An Táin – Colmán O Raghallaigh
An tAinmhí – Pádraig Standún
An tÉan Cluana – Máirtín Ó Corrbuí
An tIriseoir – Michelle Nic Pháidín
An tSráid – Gerry Adams
An tSraith ar Lár – Máirtín Ó Cadhain
An Uain Bheo – Diarmaid Ó Súilleabháin
Anamlón Bliana – Seán Ó Ríordáin
Ar an gCoigríoch – Aisling Ní Dhonnchadha & Máirín Nic Eoin
Asterix – René Goscinny (aistrithe ag Antain Mac Lochlainn)
Balor – Caitríona Hastings
Bean Rua de Dhálach – Séamus Ó Grianna
Binjí, Madra ar Strae – Patricia Forde
Bóithrín na hAille Báine – Micheál Ó Ráighne
Bróga Johnny Thomáis – Jackie Mac Donncha
Buille Faoi Thuairim Gabha – Johnny Chóil Mhaidhc Ó Coisdealbha
Buille Marfach – Anna Heussaff
Cá bhfuil tú anois – Mícheál Ó Brolachán
Cáca don Rí – Ailbhe Nic Giolla Bhríde
Cáit agus Babóga – Margriet Heymans
Cead Aighnis – Nuala Ní Dhomhnaill
Cinn Lae Bobby Sands – aistrithe ag Seán Mag Uidhir
Cinnín Óir agus na Trí Bhéar – Áine Ní Ghlinn
Clocha Reatha – Micheál Ó Cuaig
Cluiche na Corónach – George R.R. Martin (aistrithe ag Oisín Ó Muirthile)
Comhcheilg na Mainistreach Móire – Séamus Ó Conbhuidhe (An tAthair Colmcille)
Con Trick ‘An Bhalla Bháin’ – Colm Breathnach
Corto Maltese – Hugo Pratt (aistrithe ag Darach Ó Scolaí)
Crann Smola – Sean Ó Dúrois
Crithloinnir – Caitríona Ní Chléirchín
Cúrsaí Thomáis – Éamonn Mac Giolla Iasachta
Daideó – Áine Ní Glinn
Dan Pheaidí Aindí – John B Keane
Dánta Amadóra – Deasún Breatnach
Dhá Scéal – Máirtín Ó Cadhain
Diabhlaíocht Dé – Mícheál Ó Conghaile
Dracula – Bram Stoker (aistrithe ag Seán Ó Cuirrín)
Duanaire an Chéid – Gearóid Denvir
Duanaire Déiseach – Nioclás Tóibín
Dún na mBan Trí Thine – Éilis Ní Dhuibhne
Éagóir – Seán Ó Cuirreáin
Ecstasy agus Scéalta Eile – Ré Ó Laighléis
Eireaball Spideoige – Seán Ó Ríordáin
Eiriceachtaí & Scéalta Eile – Alan Titley
Faightear Gach Laoch in Aisce – Pádraig Ó Cíobháin
Foclóirí Uí Dhónaill de Bhaldraithe agus Dineen
Fonn a Níos Fiach – Pádraig Ua Maoileoin
Fontenoy – Liam Mac Cóil
Forairí an Mhachaire – Wingrove Willson (aistrithe ag Dómhnall Ó Baoighill)
Gafa – Ré Ó Laighléis
Go mbeinnse choíche saor – Máire Dinny Wren
Griscíní Saillte – Deasún Breatnach
Gugalaí Gug – Tadhg Mac Dhonnagáin
Harry Potter agus an Órchloch – J.K. Rowling (aistrithe ag Máire Nic Mhaoláin)
I dTír Strainséartha – Liam Mac Cóil
I mBéal Feirste Cois Cuain – Breandán Ó Buachalla
Iomramh Bhréanainn MMXI – Domhnall Mac Síthigh
Lá dár Saol – Seán Ó Criomhthain
Lámh Láidir – Joe Steve Ó Neachtain
Laochra na Machairí – Annraoi Ó Liatháin
Leabhar Mór na nAmhrán – Micheál Ó Conghaile
Leabhar na hAthghabhála – Louis de Paor
Lilí Frainc – Maidhc Dainín Ó Sé
Mac Rí Éireann – Caitríona Hastings
Maidhc sa Danmhairg – P.D. Linin
Maistín – Peter Jan Rens (aistrithe ag Alex Hijmans)
Mo Dhá Mhicí – Séamus Mac Annaidh
Na Dánta – Seán Ó Riordáin
Néal Maidne is Tine Oíche – Breandán Ó Doibhlin
Nuair A Bhí Mé Óg – Séamus Ó Grianna
Ó Chrann go Crann – Caitríona Hastings
Ó Mhuir go Sliabh – Séamus Ó Grianna
Oighear – Doireann Ní Ghríofa
Patairín agus Patarún – Ailbhe Ó Monacháin
Peigín Leitir Mór – Tadhg Mac Dhonnagáin
Reics Carló – Cathal Ó Sándair
Rocky Ros Muc – Rónán Mac Con Iomaire
Rogha Dánta – Gréagóir Ó Dúill
Rogha Dánta – Nuala Ní Dhomhnaill
Rotha Mór an tSaoil – Micí Mac Gabhann
Ruaille Buaille – Coimicí Gael
Scáil An Phríosúin – Anna Heussaff
Scéal na hIomána – Liam P. Ó Caithnia
Schnitzer Ó Sé – Dónall Mac Amhlaigh
Séamus Dall Mac Cuarta: Dánta – Seán Ó Gallchóir
Seanchas Chléire – Conchúr Ó Síocháin
Seoda an tSeabhaic – Pádraig Ó Siochfhradha
Sgéalta Mhuintir Luinigh – Éamonn Ó Tuathail
Sna Fir – Mícheál Ó Conghaile
Stair na Gaeilge – Kim McCone
Táinrith – Biddy Jenkinson
Tórramh an Bhardail agus Scéalta Eile – Cóil Learaí Ó Finneadha
Úlla – Seán Mac Mathúna
