Tá cúig leabhar áille ón tsraith Dónall Dána (Horrid Henry na Gaeilge) le bronnadh againn ar léitheoir ádhúil amháin, a bhuíochas le Cló Iar-Chonnacht.
Seans gur chuala sibh faoin bhuachaill dána sin Horrid Henry.
Bhuel anois, tá sé in am aithne a chur ar Dhónall Dána, mar is thugtar air sa leagan Gaeilge den tsraith cháiliúil leabhar le Francesca Simon, atá maisithe ag Tony Ross.
I mbliana, foilsíodh cúig leabhar ón tsraith Horrid Henry i nGaeilge agus beidh tuilleadh á fhoilsiú ar an bhliain seo chugainn.
Tá an tsraith aistrithe go Gaeilge bhreá nádúrtha ag ceathrar ban aitheanta as Conamara: Gormfhlaith Ní Thuairisg, Caitlín Ní Chualáin, Marion Ní Shuilleabháin agus Máirín Ní Ghadhra, atá ina láithreoirí le RTÉ Raidió na Gaeltachta.
Dónall Dána is teideal don chéad leabhar, atá aistrithe ag Máirín Ní Ghadhra, agus tá ceithre ghearrscéal san áireamh ann mar atá i ngach leabhar a leanann; An Club Rúnda, Sióg na bhFiacla, Míola, agus Saibhreas Sciobtha.
Beidh tuilleadh eachtraí le dalbacht Dhónaill a insint i nGaeilge amach anseo agus é i gceist ag Cló Iar-Chonnacht cúig leabhar eile sa tsraith – Teach na dTaibhsí, Mallacht an Mhumaí, Díoltas, An Feighlí Linbh agus Boladh Bréan – a fhoilsiú ar an bhliain seo chugainn.
Le bheith san áireamh don duais iontach seo, níl le déanamh ach an ordóg a thabhairt do na leabhair shnasta ildaite seo agus iad a roinnt ar na meáin shóisialta!
Beidh leabhair nua ‘Dónall Dána’ á seoladh i Scoil Chuimsitheach Chiaráin ar an Cheathrú Rua ar an Aoine 2 Nollaig ag 7in. Is féidir iad a cheannach anseo ar €8.00 an ceann.
