FÍSEÁN: ‘Deor-(a)íocht’ – dán nua do Lá Idirnáisiúnta na Filíochta

Is é inniu Lá Domhanda na Filíochta agus tá físeán úrnua de dhán dar teideal ‘Deor-(a)íocht’ againn daoibh.

Colm Mac Gearailt a scríobh an saothar ionraic seo a léiríonn cora crua caidrimh agus a thugann léargas ar an bhféincheistiú a leanann.

Is é seo an dán a chuir Colm i láthair ag Slam Filíochta Liú Lúnasa an samhradh seo caite agus a thug an bua dó sa deireadh – is léir ón bhfíseán seo cén fáth.

Táimid buíoch den Chiste Craoltóireachta Gaeilge a thug an maoiniú chun an físeán seo a dhéanamh.