Tá athrú aeráide, agus na bealaí chun dul i ngleic leis, i measc cheisteanna móra na linne seo.
Tuigeann muid ar fad go bhfuil dó breosla iontaise ag croí na faidbhe ach tá rud éigin eile ann a bhfuil baint mhór aige leis an scéal: bromanna na mbó.
Meastar go bhfuil timpeall 1.4 billiún bó ar domhan i láthair na huaire agus cruthaíonn gach ceann acu an gás meatáin (methane) trína gcuid brúchtanna agus bromanna.
Is gás ceaptha teasa é meatán a ionsúnn teas ón timpeallacht agus a ardaíonn teocht an domhain dá réir.
Má tá rialtais na cruinne chun téamh domhanda a choinneáil faoi dhá chéim idir seo agus 2030 – mar a aontaíodh i bPáras anuraidh – beidh orthu réitigh nuálacha a fhiosrú.
Agus sin díreach an rud atá ar siúl ag roinnt feirmeoirí san Airgintín.
Dar leis an Institiúid Náisiúnta um Theicneolaíocht Talmhaíochta (Instituto Nacional de Tecnología Agropecuaria) go bhfuil málaí forbartha acu a shuíonn ar dhroim na mbó agus a bhailíonn a gcuid bromanna agus iad amuigh sa pháirc.
Is féidir leis na málaí 300 lítear meatáin a bhailiú in aghaidh an lae agus ansin is féidir an gás a úsáid mar bhreosla sa bhaile nó i bhfeithicilí.
Ní fios go fóill an scaipfear an cur chuige nua seo go forleathan ach seans maith go bhfeicfear bá le málaí droma i bpáirceanna na hÉireann amach anseo… ná bíodh iontas oraibh!
