Tá Dúshlán 2017 faoi lán seoil agus tá muid ag baint an-sult in oifigí NÓS as iarrachtaí na bhfoirne uile a bhí ag sruthú ar líne faoin haischlib #Dúshlán ón lá inné.
Seo an tríú bliain don chomórtas náisiúnta a bheith á reáchtáil ag Conradh na Gaeilge ina gcaithfidh daoine óga 50 gníomh a dhéanamh ar son na Gaeilge taobh istigh de 50 uair an chloig.
“Táimid i lár #Dúshlán 2017 faoi láthair, agus tá cúrsaí craiceáilte! Tá níos mó daoine ag glacadh páirte sa chomórtas seo ná riamh” arsa Maria Schäler, atá i mbun an comórtas a reáchtáil.
“Seoladh an liosta den 50 dúshlán inné ag a 2in agus tá Twitter ag pléascadh ó shin leis an hasichlib #Dúshlán.”
“Is togra iontach dearfach é seo atá ag déanamh iarrachta daoine a mhealladh le gníomhartha ar leith a dhéanamh ar son na Gaeilge agus ar mhaithe le spraoi dar ndóigh!”
Tá an comórtas dírithe ar mhic léinn ollscoile agus ar dhaltaí meánscoile agus é mar aidhm ag Conradh na Gaeilge daoine óga a spreagadh chun úsáid a bhaint as seirbhísí i nGaeilge agus seirbhísí a éileamh ina dteanga féin.
Tá duaiseanna ar nós iPad Mini, dearbháin dheasa agus coirn le buachaint acu.
I measc na ndúshlán, is féidir meme nua a chruthú as Gaeilge, tacú leis an Dream Dearg trí do phictiúr próifíle a athrú ar chuntas Facebook nó Twitter, féinphic a thógáil díot féin i mbun ióga agus @ogaioga a nascadh leis, seirbhísí Gaeilge a lorg ó AIB, Ulster Bank, Supervalu, Tesco, nó scéal suimiúil de chuid Tuairisc.ie nó NÓS a roinnt.
Thaitin na cinn seo linn go háirithe! An Dream Dearg abú!
31)Tóg pictúir le ciorcal dearg✔️@CnaG @ColPobOsrai #dushlan50 #F82 @dreamdearg #uimh31 pic.twitter.com/4VvTTDreMs
— Séan An Leipreachán (@seanleipreachan) 1 Feabhra 2017
#F138 #uimhir33 #gaeilge #dúshlán #achtAnois #cearta #cothromas #cóir @dreamdearg pic.twitter.com/00L9HYLl3R
— Caoimhe Glass (@caoimheglass14) 1 Feabhra 2017
Ceist 9 DÉANTA grianghraf le Fáinne dearg @CnaG @ColPobOsrai #dúshlán #f40 #uimhir9 pic.twitter.com/jDmaMXS2FC
— Siúl_Ard (@Siul_Ard) 1 Feabhra 2017
….agus an bheirt iógaithe seo!
@Taraheve1 ag déanamh staidiúir crann agus tá mé ag déanamh staidiúir na scíthe✌🏻️😝@Yoga_as_Gaeilge #Dúshlán #Gaeilge #Uimhir3 #F123 pic.twitter.com/qAKh4kgyFy
— Ciara Marie (@ciarawhyxox) 1 Feabhra 2017
Tá go dtí 4in inniu na gníomhartha ar fad a chur i gcrích.
Bígí gníomhach! Bígí Gaelach!
