Ghlac 2,569 cuntas Twitter, idir chuntais phearsanta agus cuntais eile, páirt sa bhfeachtas idirnáisiúnta Gaeilge #TrasnanadTonnta a bhí ar siúl ag tús na míosa. De réir figiúirí a chuir an tOllamh Kevin Scannell ó Ollscoil Missouri ar fáil do NÓS, seoladh thart ar 10,700 giolc le linn an fheachtais.
Tháinig na 10,700 giolc ó 2,569 cuntas éagsúla, cuntais nár sheol a bhformhór acu giolc i nGaeilge riamh cheana. De réir na hanailíse a rinne Kevin ar na giolcacha, ba le linn sheachtain #TrasnanadTonnta a sheol 62% de na cuntais a bhí gníomhach teachtaireacht i nGaeilge ar Twitter.
Chuir Conradh na Gaeilge, a d’eagraigh #TrasnanadTonnta i gcomhar le Fulbright agus ICUF, a staitisticí féin amach go gairid i ndiaidh an fheachtais. De réir an eolais a bailíodh taobh istigh den chúig lá a mhair an feachtas, ‘scaipeadh’ giolcacha faoin haischlib ar 5.7m cuntas ar Twitter, agus rinneadh 37.5m ‘imprisean’.
Grmmagaibh a chairde Gael #TrasnaNadTonnta!!!
🇮🇪🇺🇸🇨🇦🏴🏴🏴🇬🇧🇪🇸🇷🇸🇲🇦🇯🇵🇸🇪🇳🇿🇭🇰🇦🇺🇩🇰🇧🇪🇫🇷🇧🇷🇮🇹🇪🇬🇩🇪🇸🇾🇵🇹🇵🇱🇲🇽🇭🇷🇦🇪🇳🇴🇮🇳🇱🇻🇳🇬🇦🇷🇱🇷🇨🇭🇿🇲🇨🇾🇧🇩🇵🇭🇮🇲🇸🇬🇨🇴🇮🇩🇷🇺🇿🇦🇳🇱🇰🇪🇧🇴🇦🇹🇲🇾🇮🇱🇸🇩🇱🇺🇫🇮🇹🇿🇹🇼🇲🇹🇳🇵🇧🇬🇸🇦🇨🇺🇹🇭🇸🇻🇪🇪🇴🇲🇻🇦🇨🇳🇲🇱🇨🇷🇭🇺🇶🇦🇹🇷🇸🇰🇱🇹🇯🇴🇬🇷🇵🇸🇬🇪🇦🇲🇮🇸🇪🇨🇺🇬🇨🇲🇲🇩🇨🇮🇷🇴🇻🇳🇰🇷🇪🇹🇰🇼🇦🇱🇲🇿🇨🇿🇱🇰🇻🇪🇵🇾🇺🇾🇿🇼🇵🇪🇺🇦🇮🇶🇰🇿🇫🇯🇧🇸🌎 #ÉireDomhanda #Gaeilge pic.twitter.com/QDaSM8dYBG
— Conradh na Gaeilge (@CnaG) February 9, 2019
Ba é an cuntas @tuigim, giolcaire Gaeilge atá lonnaithe in iarthar Mheiriceá, an cuntas aonair is mó a bhain úsáid as an haischlib #trasnanadtonnta le linn an fheachtais, agus 189 giolc curtha amach aige faoin haischlib sin.
Seo a leanas an deich gcuntas pearsanta is mó a ghlac páirt sa bhfeachtas:
9. @NO2DV41 (An Bhreatain Bheag)
Mar a bheifí ag súil, bhí cuntais oifigiúla agus cuntas eagraíochtaí ard ar liosta na n-úsáideoirí freisin, cuntais Chonradh na Gaeilge, Thrasna na dTonnta, Ireland, agus Oireachtas na Gaeilge Cheanada ina measc.
Ba í Gwen Hamilton, atá lonnaithe in Ottawa i gCeanada a sheol an giolc is mó a chuaigh i bhfeidhm ar lucht leanta na haischlibe lena scéal faoi thiománaí bus a bhaint geit aisti nuair a labhair sé Gaeilge léi.
Dúirt mé “go raibh maith agat” de thaisme ar maidin agus d’fhreagair mo thiománaí bus “tá fáilte romhat”. Táim i mo chónaí in Ottawa, mar sin ba neamhthuairimeach an freagra é, ach shíl mé go raibh sé dianmhaith. Tá Gaeilge beo i gCeanada. #TrasnaNadTonnta #Gaeilge
— Gwen Hamilton (@ismisegwen) February 6, 2019
