Fuair an t-aisteoir Meiriceánach Leonard Nimoy bás inné in aois a 83 bliana.
Ba mar Spock sa tsraith chlúiteach ficsean eolaíochta Star Trek a bhain sé cáil amach agus bhí cultas bunaithe ar a ról i measc dheisceabail an chláir.
Aithníodh an Vulcan i gcónaí mar gheall ar a nathanna críonna agus in ómós do Nimoy tá rogha dá chuid ráiteas, mar aon le hathfhriotail iomráiteacha eile ó Star Trek, le léamh i nGaeilge thíos.
Go dté tú go misniúil a Leonard…
An bheannacht is aitheanta de chuid na Vulcan, is iomaí uair ar dhúirt Spock “Live long and prosper” le linn na bunsraithe a craoladh siar sna 1960í. Dar le Nimoy féin go bhfuil an comhartha láimhe a théann leis bunaithe ar shean-ghotha Giúdach.
Smaoinigh muid ar ‘bíomáil’ don cheann seo ach má tá na Gaeil le bheith dáiríre faoi theileapórtáil amach anseo ní mór dúinn téarma ceart bheith againn dó. An tAlbanach Montgomery Scott a bhíonn i gceannas ar an trealamh taistil seo.
Tá clú na loighce ar an chine Vulcan agus, cé gur leath-dhuine daonna é, ba mhinic Spock ag caint ar an tábhacht a bhaineann leis agus cé chomh míloighciúil is atá daoine.
Tá an speiceas Borg ar na naimhde is mó a bhíonn ag muintir na réaltloinge Enterprise. Dream sotalach iad a mhaíonn “resistance is futile” i gcónaí – ráiteas in aisce ann féin mar nach mbíonn mórán ratha ar a gcuid iarrachtaí.
Gunna fuinnimh é an ‘phaser’ atá i bhfad chun tosaigh ar aon arm atá againn ar domhan faoi láthair. Nuair nach raibh muintir Star Trek ag iarraidh aon duine a mharú, cuir siad na fasóirí seo “to stun” agus bhain siad staic as a sprioc.
