Tá droch-chlú ar chonamar (offal) anseo in Éirinn.
Is dócha nach amhlaidh a bhí sé riamh mar go bhfuil sé measartha mór i measc daoine níos sine agus is féidir é a cheannach i ngach siopa búistéara sa tír.
Más é go mbaineann sé le droch-chuimhní cócaireachta na hóige nó le smál an bhochtanais, seachnaítear an conamar bocht go minic.
Ach, mar atá a fhios againn a chairde Gael, ní sin mar a chaitheas sé bheith.
Agus tú i mbialann snasta sa Fhrainc nó margadh áitiúil san Iaráin, beidh conamar ar fáil agus muintir na háite dá mholadh go hard.
Seo daoibh dornán oideas le triail a bhaint as an mhiodamas… bíodh misneach agaibh!
Eagaois (gizzard) lachain
Is deacair iad seo a fháil in Éirinn ach is féidir iad a cheannach ar líne nó nuair atá tú ar saoire ar mhór-roinn na hEorpa.
Díreach déan iad a ghríoscadh ar feadh tamaill agus cuir iad leis an sailéad seo:
Duilleogaí leitíse, crouton, lárdain, ubh bhruite, prátaí úra (gearrtha agus friochta le him), gallchnónna agus trátaí.
Béile den scoth!
Duáin uain
Déan meascán beag de phlúr, piobar dubh agus salann, agus clúdaigh na duáin leis.
Téigh friochtán le him agus mustard.
Caith na duáin isteach chun iad a fhriochadh iad ar feadh 6-10 bomaite.
Nuair atá siad réidh, bain amach iad agus cur braon beag fíona, beorach nó uisce isteach sa fhriochtán agus é deas te.
Measc thart é chun anlann a dhéanamh agus ith na duáin bhlasta seo le harán rósta.
Croí mairteola
Déan oinniúin agus gairleog a fhriochadh i bpota le hola olóige ar theas íseal.
Cuir chorizo leis agus lig dó ar feadh 5 bomaite.
Anois, ardaigh an teas rud beag agus cuir an croí isteach leis.
Nuair atá dath donn air, cuir fíon nó stoc isteach ann agus coinnigh san oigheann é ar feadh 1-2 uair 180C.
Bíodh seo agat le brúitín.
Ae uain
Frioch oinniún dearg ar theas íseal.
Cuir gairleog, cuimín agus sillí isteach ann.
Anois faigh an t-ae agus déan é a fhriochadh ar feadh 5 bomaite.
Ag an am céanna cuir oráiste isteach chomh maith agus ansin le nóiméad amháin fágtha, doirt braon beag fínéagair cheirtlise isteach ann.
D’fhéadfá duilleogaí de chineál éigin a chuir leis… blasta!
