Aoife sa Chistin: Coirce bácáilte le sméara dubha

Na Comhábhair
100g calóga coirce 
1tsp púdar bácála 
1tsp mil nó síoróip mhailpe
1 craiceann oráiste
2 ubh
1 banana, gearrtha
Íle gan bhlas don stán
100g sméara dubha

Teocht an oighinn @180c/160c Fean oigheann/Gás 4

Cuir na calóga coirce isteach i bpróiseálaí bídh le blúire beag salainn. Bris an meascán go dtí go bhfuil sé ina phlúr agat. Cuir an púdar bácála, mil nó síoróip mhailpe, craiceann oráiste, uibheacha agus banana leis agus measc an t-iomlán go raibh sé deas mín. 

rbt

Cuir íle ar stán bácála (timpeall 15cmx20cmx5cm) agus doirt an fuidreamh isteach ann. Caith isteach na sméara dubha agus dein iad a shá isteach sa bhfuidreamh. Bácáil an fuidreamh go ceann 35-40 nóiméad.

Doirt ábhar beag meala nó síoróip mhailpe in airde ar an gcíste agus riar é le huachtar reoite nó le hiógart.