Siopa ceapairí Tayto i mBÁC
Ceist faoin chothú ach brabús ag dul go Pobal Simon

Tá an tUasal Tayto ar cuairt san ardchathair agus siopa speisialta sealadach oscailte aige inniu ar feadh 10 lá.

Beidh an preabshiopa úrnua, atá lonnaithe ar Shráid Chill Mhantáin i mBaile Átha Cliath 2, ag tairiscint cuid de na ceapairí criospaí is aitheanta atá le fáil in Éirinn, le ceithre shórt éagsúla ar díol ann: Cáis agus Oinniún, Salann agus Fínéagar, Bagún Deataithe agus Manglam Cloicheán.

Tá €2 ar gach ceapaire agus rachaidh leath an airgid go léir chuig an charthanacht Pobal Simon Bhaile Átha Cliath.

Chomh maith leis na ceapairí íocónacha, beidh deis ag díograiseoirí Tayto earraí speisialta a fháil nach féidir a cheannach in aon áit eile, t-léine Ghaeilge ina measc.

tayto-tleine

Cé go bhfuil ceist ardaithe faoin chothú atá le fáil ó cheapairí brioscáin phrátaí, go háirithe do dhaoine óga, tá béim á cur ar an sochar a bhainfidh daoine gan dídean as an tionscnamh.

“Mar a fheictear dúinn go bhfuil méadú ar líon na ndaoine atá ag lorg cabhrach uainn, tá lúcháir orainn tacaíocht chustaiméirí Tayto a bheith againn,” arsa Sam McGuinness ó Phobal Simon.

“Beidh custaiméirí Tayto ag cabhrú chun airgead a thiomsú chun gur féidir linn leanúint ar aghaidh ag soláthar seirbhísí do dhaoine atá gan dídean.”