Fliuch – iris phorn i nGaeilge?
Cuntas Twitter seolta ag ‘foilseachán’ úrnua


Baineadh preab as pobal na Gaeilge ar líne aréir nuair a seoladh cuntas Twitter a mhaíonn go bhfoilseofar go luath an chéad iris phornagrafaíochta inár dteanga dhúchais riamh.

Fliuch’ is teideal don fhoilseachán a deir go bhfuil “na Gaeil ag fanacht rófhada ar phorniris cheart” agus a dhíreoidh, dar leo, ar “ghirseacha galánta agus dea-bhuachaillí dalba”.

Tá dearadh samplach de chéad leathanach na hirise nua le feiceáil ar líne, le cur síos ar a bhfuil le fáil ann mar aon le rabhadh do thuismitheoirí go bhfuil ábhar gáirsiúil istigh.

fliuch1

Cailín darb ainm ‘Áise’ atá ar an chlúdach ach, de réir na bhfiosrúchán atá déanta ag NÓS, ní ball aitheanta í de phobal na Gaeilge.

Cé gur measadh ar dtús gur mhagadh é agus nach bhfoilseofaí an iris i bhfírinne, tá teagmháil déanta ag foireann eagarthóireachta ‘Fliuch’ linn le rá go mbeidh leagan den iris le fáil ar líne amach anseo.

Tá go leor cainte faoin chollaíocht sna meáin Ghaeilge le déanaí agus bhí an t-alt seo ar dheasuithe gnéis ar na halt is mó léamh ar NÓS ó seoladh ár suíomh nua ag tús mhí Eanáir.

Tá sé ráite chomh maith ag Seosamh Ó Cuaig ar Tuairisc.ie go gcuirfeadh ábhar pornagrafaíochta daoine ag léamh inár dteanga dhúchais agus bhris an t-iriseoir Maitiú Ó Coimín scéal go raibh scannáin phorn i bhfolach faoi theidil Ghaeilge ar Youtube.


Is féidir Fliuch a leanúint ar Twitter anseo.

(Leasaíodh an scéal seo le cur in iúl go bhfoilseofar an iris ar líne, tar éis go ndeachaigh eagarthóir ‘Fliuch’ i dteagmháil linn.)