Cé gur bean mhór anois mé, is breá liomsa mo bhréagáin.
Thosaigh mé á mbailiú cúpla bliain ó shin nuair a thuig mé nach mbeadh fear ar bith amuigh ansin in ann mé a shásamh chomh maith céanna le creathadóir beag.
Cheannaigh mé creathadóir nua tamall ó shin anois le cur le mo bhailiúcháin agus, ó, a Dhia, tá sé maith.
Fuair mé an Rianne S. Moon Rechargeable ó Sex Siopa, agus bhí iontas orm go raibh sé chomh beag sin nuair a chonaic mé ar dtús é. Suíonn sé go deas i mbos mo lámh agus tá sé furasta é a bhogadh thart agus é a úsáid. 
Ciallaíonn sé chomh maith go mbeifeá in ann é a chur i do mhála lámha agus é a ghlacadh ar obair nó chuig an teach tábhairne nó ar Aifreann fiú agus giota spraoi a bheith agat leat féin go háisiúil.
Tá roinnt mhaith creathanna difriúla ann: bunchrith, meánchrith, agus ardchrith; cúpla ceann preabach; agus crith a thosaíonn go híseal, a ardaíonn is a théann ar ais arís. Is é an ceann deireanach seo an cheann is fearr liomsa mar gheall go bhfuil éagsúlacht ann agus níl ort obair ar bith a dhéanamh ach é a bhogadh thart má tá sé uait.
Tá dhá mhéar bheaga ag gobadh amach ón chreathadóir seo a theann thart ar do bhreall go foirfe. Is maith liomsa é a bheith ar m’fhaighin sa dóigh is go bhfuil an dá mhéar seo in aice le mo dhá chos agus ansin é a thiontú 90° — ní fada go mbím ag screadach le pléisiúr.
Ar bhealach tá an creathadóir seo ró-mhaith. Achan uair a úsáidim é, bím teacht níos gaiste ná an t-am a ghlacann sé creathadóir a rá. Tá sé dáiríre faoin phost atá aige agus déanann sé go héifeachtach é. Tá seo maith nuair atá tú ag iarraidh go mbeidh an jab déanta ach in amanna bíonn sé deas giota ama a chaitheamh leat féin agus sult a bhaint as do cholainn.
Silim go mbeadh sé níos fearr dá mbeadh creathanna níos éadroma ann nach bhfuil an chumhacht chéanna ag baint leis fá choinne an cúpla bomaite sin ag an tús agus tú ag dul isteach sa zón.
Cosnaíonn an creathadóír seo cuid mhór airgid (€55) ach deirim leat anois gur fiú go mór an t-airgead a chaitheamh air. Beidh do phit agus tú féin buíoch gur féidir luí siar agus ligean dó an obair ar fad a dhéanamh, agus ní bhfaighidh tú sásamh cosúil leis.
Anois, mura miste libh, tá coinne agam le mo dhlúthchara beag chorcra anois.
