Stocaí na dánaíochta
Féiríní na Nollag ón Chailín sa Chathair!

Níl ach cúpla seachtain fágtha go mbeidh an Nollaig linn, a chairde, agus tá na stocaí le líonadh go práinneach.

Daoibhse a bhfuil duine speisialta in bhur saol agaibh, cheap mé gur mhaith an rud é an strus, an obair agus an t-ualach a laghdú agus liosta a chur le chéile d’fhéiríní Nollag ar féidir iad a shleamhnú isteach i stocaí na dánaíochta!

Deirtear nach bhfuil tábhacht le méid, ach ní fíor sin sa chás seo.

Caithfidh na féiríní a bheith beag go leor le cur isteach i stoca Nollag, ach cumhachtach go leor le do ghrá geal a chur ag screadaíl mar a bheadh siopadóir cíocrach ann nuair a osclaíonn na stórais mhóra le haghaidh na sladmhargaí maidin Lá an Dreoilín.

Ní gá i gcónaí moll mór airgid a chaitheamh ar fhéiríní Nollag. Is é atá sa liosta seo ná ábhar atá réasúnta saor le ceannach ach a shaothróidh cúpla pointe breise duit sa tseomra leapa.

Má tá sibh ar liosta na ndaoine dalba ag Daidí na Nollag i mbliana, tá mé cinnte go gcuirfidh sibh suim mhór ina bhfuil luaite agam thíos.

---

1.) Scaoil amach an bobailín!

Smaoinigh ar Dita Von Tease agus cuir ort na bobailíní milse seo agus is cinnte go mbeidh do pháirtí ag iarraidh tú a ithe!

---

2.) Glais lámh

Cuir ceangal na gcúig gcaol ar do ghrá geal le glais lámh agus cuir an eochair i bhfolach in áit éigin dána… mmm…

---

3.) Ribín rúnda

Cuir thart ort é agus cuir snaidhm ann a gcaithfidh do stóirín é a scaoileadh lena bhéal… Is tusa fíorbhronntanas na Nollag, a bhitseach sexyáilte.

---

4.) Péint craicinn

Tóg amach do scuab dhraíochta agus tarraing ealaín na collaíochta ar do chuiditheoir Nollag. Glan suas ina dhiaidh le teanga na nGael.

---

5.) Kama Sutra beag bídeach

Bíodh sé seo ar láimh agat le tús spleodrach a chur leis an bhliain úr. Beag go leor le cur i do phóca ach fairsing go leor le réimse smaointe nuálacha a mhúscailt ionaibh, seo leabhar nach féidir a leagan síos.

---

6.) Ubh shásaimh

Is fada uainn an Cháisc go fóill, a chairde, ach ní hionann sin agus a rá nach dtig ubh a oscailt go luath. Gheobhaidh tú craiceann deas san ubh seo le cur thart ar bhod do ghrá ghil le sásamh agus pléisiúr as cuimse a thabhairt dó.

---

7.) Fáinne fí

Ná bac leis na fáinní órga in amhrán 12 bhronntanas na Nollag. Is fiú fáinne gealltanais mar seo a cheannach a gheallfaidh go mbeidh am iontach ag an bheirt agaibh! Tá coinín beag air a thabharfaidh sásamh don bhean agus tá fáinne fí ann a thabharfaidh pléisiúr don fhear – rud riachtanach é i mála dánaíochta ar bith!

---

8.) Coinneal blasta

Is féidir an coinneal seo a lasadh, an ‘cheir’ a dhoirteadh ar cholainn do stóirín, agus é a ghlanadh suas le do bhéal mar mhilseog i ndiaidh dinnéar mór Nollag. Blasta agus sláintiúil!

---

9.) Cleite chuimilte

Luigh síos faoin chrann Nollag agus cuimil colainn an duine eile go deas éadrom le cleite, mar a bheadh síog Nollag ag tabhairt póga dóibh ann. Anois, cé atá cigilteach?

---

10.) Clocha teo

Cuir ruaig ar an fhuacht le clocha teo an Nollaig seo agus suathaireacht colainne (massage) á tabhairt agat do do pháirtí. Cuir ar maos in uisce te iad agus ansin cuimil ar chorp do chara collaíochta iad. Beidh siad socair, suaimhneach gan mórán moille.

Cibé rud a chuireann tú i do mhála féiríní i mbliana, déan cinnte go mbíonn sibh maith agus dána le chéile 😉