Is beag nár bhris Conor McGregor an t-idirlíon aréir tar éis gur fógraíodh ar a chuntas twitter go raibh sé ag éirí as an UFC go tobann.
I have decided to retire young.
Thanks for the cheese.
Catch ya’s later.— Conor McGregor (@TheNotoriousMMA) April 19, 2016
Síleadh ar dtús gur magadh a bhí sa teachtaireacht a seoladh ó chuntas mhór-réalta an MMA, nó gur cur i gcéill de shaghas éigin a bhí ann, ach uair an chloig ina dhiaidh sin, sheol John Kavanagh, traenálaí McGregor, giolc eile a chuir leis an scéal.
Well was fun while it lasted
— Coach Kavanagh (@John_Kavanagh) 19 Aibreán 2016
Is léir gur buaileadh bob ar lucht leanúna McGregor, agus ar thráchtairí MMA ar aon, agus go leor cainte ar na meáin shóisialta faoi cad a bhí taobh thiar de.
Tháinig preas ráiteas ó Dana White, Uachtarán an UFC, sna sála ar an dá ghiolc a chinntigh go raibh bunús leis an scéal.
Dúirt Dana, gur tarraingeoidh Conor ón UFC 200, a bheidh ar siúl ar an 9 lá de mhí Iúil, de thairbhe nach raibh sé sásta a bheith i láthair ag preas ócáid i Las Vegas.
Bhí Conor i mbun traenála san Íoslainn ag an am ag ullmhú don ath-throid a bhí beartaithe in aghaidh Nate Diaz.
Back in the land of Ice for some good training at Mjolnir!! #TheIceViking pic.twitter.com/zXKy3vN6Qv
— Conor McGregor (@TheNotoriousMMA) April 18, 2016
Tuairsicíodh nach préas ráiteas amháin a bhí i gceist ach mionchamchuairt phreasa domhanda, agus nár cheap McGregor é a bheith indéanta roimh an troid.
Tá ráite ag Dana White go bhfuil sé ag buaileadh le Nate Diaz, a fuair an ceann is fearr ar McGregor in UFC196, chun trodaí eile a shocrú do UFC 200.
