Anois go bhfuil 2020 buailte linn agus an t-earrach orainn, mar dhea, tá sé in am tosú ag smaoineamh ar an dóigh a n-eagróimid muid féin do na míonna teo. Le seachtainí faisin ar siúl ar fud an domhain, bhailigh mé cuid de na treochtaí is fearr a bheidh le feiceáil againn san earrach-samhradh 2020.
Beimid ag féachaint le leanúint ar aghaidh le cúpla rud a tháinig chun cinn le linn 2019, ar nós neon agus muinchille puif. Bhí neon go mór sa treis le cúpla samhradh anuas, agus ní bheidh aon athrú air seo.
Ar na hardáin mainicíní bhí roinnt feisteas neoin monacróm iomlán ann, ach mura bhfuil tú an-gharbh, beidh ráiteas fós á dhéanamh ag neon atá níos caolchúisí i do chulaith. Smaoinigh ar léine neoin, nó fiú oiriúintí neoin cosúil le fáinní cluaise nó lúbán, a bheidh thar a bheith coitianta freisin.
Rud eile a bheidh le feiceáil i gcónaí is ea fáinní cluaise a thabharfaidh teachtaireacht — smaoinigh ar fháinní móra. Le cúpla bliain anuas d’fhan fáinní móra cluaise san fhaisean agus níl bheidh athrú air sin go luath. Dá mhéad an fáinne, is ea is mó an teachtaireacht faisin!
Rud nua a bheidh le feiceáil againn ná stíleanna 60s agus 70í ag teacht ar ais. Beidh priontaí sícideileacha agus bríste spréite i ngach áit i rith an tsamhraidh.
D’fhéadfadh sé seo a bheith ina rogha scanrúil faisin do roinnt daoine, ach níl sé chomh scanrúil agus a cheapfá. B’fhéidir gur áit mhaith le tosú é léine nó scaif le cló spraíúil. Maidir le priontaí, is cosúil go bhfeicfimid a lán éadaí polcaphoncach agus stríocach.
Cé go mbeadh cathú mór orainn dul amach agus go leor nua le haghaidh an tsamhraidh earraigh, cén fáth nach ndéanfadh muid iarracht a bheith níos inbhuanaithe lenár gcuid éadaí?
Féach trí do chuid seanéadaí agus is féidir go bhfaighidh tú míreanna a chloíonn leis na treochtaí seo atá le teacht agus a ndearna tú dearmad orthu go hiomlán! Nó más mian leat éadaí nua a cheannach, cén fáth nach bhféachfadh tú ar shiopaí carthanachta, siopaí seanré agus ar Depop. Cé go bhfuil spórt le baint as a bheith ag caint faoin bhfaisean, ní mór dúinn a bheith níos feasaí faoin damáiste a dhéanann an faisean tapa, agus cuimhnigh gur féidir linn a bheith ag breathnú go maith fós gan siopadóireacht ar líne ó láithreáin ghréasáin faisin tapa!
