Níl bainiseacha saor – is fíric é sin.
Ach an mbeifeá sásta ligean do chomhlacht bia gasta íoc as do cheann féin mar éacht poiblíochta?
Sin go díreach a rinne Joel Burger agus Ashley King le déanaí nuair a pósadh iad in Illinois SAM.
Tar éis dóibh a ngealltanas pósta a fhógairt dá gcairde ar líne le pictiúr taobh amuigh den Burger King áitiúil, chuala an fathach méarbhia faoi, agus d’ofráil siad íoc as mar urraíocht.
Cé go raibh an bhainis féin breá traidisiúnta don mhórchuid, bhí na haíonna lán sásta pictiúirí a thógáil agus corónacha páipéir BK á gcaitheamh acu, agus chaith na fir go léir t-léinte faoina gculaithe.
Fuair gach aoi dearbhán $10 fosta fiú!
Beifear ag súil le chéad pháiste na lánúine anois, áfach, le gur féidir le Ashley a rá go bhfuil ‘bonnóg san oigheann’ aici!
Seans go bhfuil deis ann do na Gaeil anois fosta: N’fheadar an bhfuil duine ar bith de mhuintir Mhic Dhomhnaill i ndiaidh dul i dteagmháil le Ronald McDonald go fóill?
