1,000+ tweet faoin haischlib #nílsécgl


Tá haischlib nua a tharraingíonn aird ar steiréitíopaí faoin Ghaeilge ag treochtáil ar Twitter in Éirinn.

An lá inné chuir Ciara Ní É – bunaitheoir REIC agus scríbhneoir le NÓS – tús leis an haischlib #nílsécgl (‘Níl sé ceart go leor’) chun taithí daoine ar mhíthuiscintí a bhaineann leis an teanga a roinnt leis an domhan mór.

Chuaigh an coincheap go mór i bhfeidhm ar phobal na Gaeilge ar Twitter agus faoi dheireadh an lae bhí breis agus 330 duine aonair tar éis páirt a ghlacadh san fheachtas orgánach.

Seoladh timpeall 1,000 tweet faoin haischlib taobh istigh de 12 uair an chloig agus tá #nílsécgl fós á scaipeadh ar líne inniu.

Seo thíos sampla de na tweetanna a seoladh.