Feiniméan nua Gaeilge ar Facebook!
Spréigh an cluiche go rábach ar líne aréir


Díreach nuair a shíl tú nach bhféadfaí méim nó cluiche nua teanga a chruthú ar na meáin shóisialta, tá nós cliste eile cumtha ag na Gaeil atá cheana féin tar éis dul i bhfeidhm ar na mílte úsáideoir idirlín.

Cúpla lá ó shin thosaigh roinnt daoine ar Facebook cleas nua inar aimsigh siad ainm duine ar an líonra sóisialta agus chuir siad tús le comhrá leo chun frása nó ráiteas Gaeilge a chruthú.

Go hiondúil is duine nach raibh mar chara leo ar Facebook, ach a raibh ainm ar leith acu a bhí ag teacht le fuaimeanna na Gaeilge, a roghnaíodh chun bheith páirteach sa spraoi focal.

Tháinig boradh iontach ar an chluiche úr seo san oíche aréir nuair a phléasc breis agus 60 iarracht nua ar an leathanach ‘Gaeilge más féidir Béarla más gá‘, ‘Gaeilge Amháin‘ agus ar leathanaigh phearsanta.

De réir líon na hidirghníomhaíochta ar Facebook, idir ordóga, chroíthe, nótaí tráchta agus rannta, meastar go bhfuil roinnt mílte duine tar éis breathnú ar na híomhánna a glacadh de na ‘comhráití’ greannmhara seo.

I measc na ndaoine a aimsíodh agus atá anois i mbéal phobal na nGael ar líne – i ngan fhios dóibh féin! – tá Been Blas (ar an mbeagán) as Meicsiceo, Ars Cath (a chéile) as na Filipíní, agus Oh Ro (sé do bheatha abhaile) as Ceanada.

Cá bhfios cad a cheapann na daoine seo de na comhráití craiceáilte gan dochar ach seo thíos blaiseadh den fheiniméan úrnua!

shea


tir-teanga


arscath


anwill


neev-king


been-blas


oh-ro


chin-chan


leigh


ah-neen