Níl ach tír amháin ar Domhan a shamhlófá go bhféadfadh róbat bheith mar mhainicín.
Sea, a chairde Gael, tá an tSeapáin céim mhór chun tosaigh orainn arís, agus mar a fheiceann tú thuas, tá an beart déanta acu cheana.
In ainneoin nach bhfuil HRP-4C, mar a thugtar uirthi, ach cúig throigh ar airde tá cuma níos sláintiúla uirthi ná roinnt de na mainicíní faisin a bhíonn le feiceáil ar na hardáin taispeána i láthair na huaire agus deirtear go mbeidh sí ag dul i mbun oibre ag ionaid siopadóireachta agus páirceanna siamsaíochta go luath.
Cá bhfios nach é seo ach an chéad chéim aici san earnáil agus go mbeidh sí féin, agus a cuid cairde, le feiceáil taobh amuigh den tSeapáin amach anseo.
Tá an todhchaí tagtha… bainigí taitneamh as!
