Scéal in áit smailce
Méaisíní díola lán litríochta!

Is fada an meaisín díola – suite go straitéiseach i hallaí scoile, stáisiúin traenach, óstáin nó ar an tsráid – ag mealladh na sluaite i dtreo smailceacha mífholláine beaga gasta.

Tá an cur chuige céanna in úsáid ag dream óg taobh thiar den suíomh litríochta Fraincise Short Édition, agus ocht meaisín díola lonnaithe acu anois in áiteanna ar fud Grenoble na Fraince, a chaitheann smaointe, dánta, scéalta ficsin agus haikúanna amach in áit milseán.

Is mian leis na gníomhairí ealaíne a tháinig ar an choincheap splanc cruthaitheachta a chur le bomaití díomhaoine a chaithfeá ag fanacht ar bhus nó ar thraein.

Forbraíodh na meaisíní don togra nuálach seo trí pháirteanna éagsúla a bhailiú ó sheanmheaisíní díola agus iad a shádráil (solder) le chéile.

Tagann an scéal, dán nó haikú amach ón dáileoir scéil saor in aisce mar a bheadh admháil ann, ach an cnaipe a bhrú.

Go randamach a roghnaítear an saothar litríochta, cé gur féidir an léitheoir fad an scéil a phiocadh.

machine

Faoi láthair tá 600 gearrscéal ar fáil, ar rogha iad den ábhar is fearr a tháinig ó phobal scríbhneoirí Short Édition.

Chomh maith le hardán a chur ar fáil do scríbhneoirí nua, meastar gur uirlis éifeachtach í seo chun scileanna agus nósanna léitheoireachta a fheabhsú, agus daoine a tharraingt óna nglic-ghléasanna.

Anois, inneall litríochta do na Gaeil aon duine?